विश्वविद्यालय अनुदान आयोगले नेपालमा ५जी नेटवर्क संचालन सम्बन्धि अनुसन्धानको लागि २० लाख
चाइनाको क्वान्टम कम्प्युटिङ्गमा आफूले ठूलो फड्को मारेको दाबी
कृत्रिम बुद्धिमत्ता ( आर्टिफिसियल इन्टेलीजेन्स ) भएको शक्तिशाली यन्त्र च्याट-जीपीटीको चारै तिर प्रसंसा भईरहेको र माइक्रोसफ्टले यसलाई आफ्ना उत्पादनहरुमा प्रयोग गर्न लागेको अवस्थामा गुगलले प्रतिस्पर्धा गर्न युद्धस्थरमा आफ्नै कृत्रिम बुद्धिमत्ता भएको यन्त्र बनाउन लागिपरेको थियो। त्यसको फलस्वरुप गुगलले अर्को हप्ता आफूले बनाएको शक्तिशाली कृत्रिम बुद्धिमत्ता बएको यन्त्र सार्बजनिक गर्ने भएको छ।
अर्बपति बिल गेट्सले गाईवस्तु डकार्दा उत्सर्जन हुने मिथेन ग्यासलाई कम गर्ने योजना बनाएको जलवायुसँग सम्बन्धित एउटा अस्ट्रेलियाली प्रविधि स्टार्ट-अप कम्पनीमा लगानी गरेका छन्। मिथेन कार्बनडाइअक्साइडपछि सबैभन्दा धेरै उत्सर्जन हुने हरितगृह ग्यास हो। गाई, बाख्रा र हरिण जस्ता जनावरको पेटले घाँसजस्ता कडा कुराहरू पचाउनका लागि मिथेन ग्यास उत्पादन गर्छ। उनीहरूको पेटमा उत्पादन भएको त्यस्तो ग्यास डकारका माध्यमबाट बाहिर आउँछ। विश्वविद्यालयहरूमा गरिएका अध्ययनहरूले...पूरा अंश
बोस्टन डाइनामिक्स कम्पनीले मानव जस्तै देखिने कृतिम बुद्धि भएको यन्त्रको नयाँ युट्युब भिडियो प्रदर्शनी गरेको छ। एट्लस नाम भएको सो यन्त्रले सामानहरु पक्रिन सक्ने, बोक्न सक्ने र त्यसलाई जटिल सतहमा पनि एक ठाउँबाट अर्को ठाउँसम्म पुर्याउन सक्ने क्षमता भएको देखाइएको छ। सो यन्त्र कुद्न र उफ्रिन पहिलादेखि नै सक्षम थियो।
रामकृष्ण श्रेष्ठ लेख्नु हुन्छ : जैविक विविधताको दृष्टिले नेपाल धनी मुलुकको सूचीमा पर्छ। क्षेत्रफलमा सानो भए पनि नेपालमा विश्वका ३.२ प्रतिशत वनस्पति र १.१ प्रतिशत प्राणीजन्य विविधता उपलब्ध छ। तथापि अन्यत्र जस्तै नेपालमा पनि कृषि जैविक विविधता ह्रास हुने क्रम तीव्रतर बन्दै गएको छ। नेपालमा समग्र कृषि जैविक विविधता ५० प्रतिशत र बालीका रैथाने जातहरू ४० प्रतिशत मासिइसकेको छ।
अमेरिकाका नदी तथा तालहरूमा भएका माछामा अत्याधिक मात्रामा विषाक्त पदार्थ भएको भर्खरैको अनुसन्धानबाट थाहा भएको छ । नदी तथा तालबाट पक्रिएको एउटा मात्र माछा खाँदा पनि एक महिनासम्म प्रदूषित पानी खाए बराबरको विषाक्त पदार्थ खाइने उक्त अनुसन्धानले देखाएको छ। पी-एफ-ए-एस (PFAS) भनेर चिनिने उक्त विषाक्त रसायन सन् १९४० को दशकमा विकसित गरिएको थियो। नटाँसिने भाडाकुडा, लुगा तथा प्याकेजिङमा प्रयोग गरिने सो रसायन एकचोटी वातावरणमा पुगेपछि आफै नष्ट भएर कहिल्यै पनि हराएर जाँदैन।
सन् २०२३ मा एल-निनोले गर्दा विश्वभर अपूर्व रूपमा गर्मीको लहर आउने वैज्ञानिकहरुले चेतावनी दिएका छन्। एल-निनो र ला-निना प्रशान्त महासागरमा हुने वायु प्रबाहका दुई बिपरित तरिका हुन्। बितेका तीन वर्ष ला-निना वायु प्रबाह चलिरहेको थियो। अभिलेख राख्न थालेदेखिको सबैभन्दा गर्मी वर्ष सन् २०१६ पनि एल-निनोले नै गर्दा भएको थियो।
चाइनाको एक कम्पनीले ७० तले घर जत्तिनै अग्ला विन्ड-टर्बाइनहरु बनाउने घोषणा गरेको छ। सो टर्बाइनका पखेटाहरु १४० मिटर लामा हुनेछन्। बनिसकेपछि यस्त्ता एउटा टर्बाइनले एक वर्षमा २ करोड ८० लाख युनिट विद्युतीय उर्जा उत्पादन गर्नेछ जुन झण्डै एक लाखवटा घरहरुलाई पर्याप्त हुनेछ।
ब्ल्याक बक्स विमानको पछिल्लो भागमा रहने विद्युतीय उपकरण हो जसमा फ्लाइट डेटा रेकर्डर र ककपिट भोइस रेकर्ड दुवै हुने भएकाले यो उपकरण विमान दुर्घटनाकाको अनुसन्धानमा निकै महत्त्वपूर्ण हुन्छ। ब्ल्याक बक्स वास्तवमा कालो रङ्गको चाहिँ हुँदैन। यस्तो उपकरण गाढा सुन्तला रङ्गको हुन्छ। विमान दुर्घटना भएको ठाउँमा भेट्न सहज होस् भनेर यस्तो रङ्गमा ब्ल्याक बक्स बनाइएको हुन्छ।
सन् १९८७ मा अन्तर्राष्ट्रिय समुदायले ओजन तहलाई क्षति पुर्याउने रसायनहरुलाई पूर्णरूपमा प्रतिबन्ध लगाउने निर्णय गरे। यसको फलस्वरूप ओजोन तहमा भएको ठूलो क्षति आउँदो केही दशकमै हराएर यो पहिलेकै स्वस्थ्य रुपमा फर्किन गईरहेको छ। ओजोन तह पृथ्वीलाई हानिकारक पराबैंगनी किरणबाट बचाउने कवचको रूपमा काम गर्दछ। सन् १९७० को दशक यता औद्योगीकरणले ओजन तहलाई ठूलो क्षति पुर्याइरहेको थियो। विभिन्न औद्योगिक प्रयोजनका लागि प्रयोग गरिने क्लोरोफ्लोरोकार्बन ओजन तहलाई क्षति गर्ने एक प्रमुख कारक तत्व थियो।